عبد الواحد راجل واحد
عارف ربه وفاهم دينه
شرب المر ياعينى يوماته
تقى من يومه فلوسه حلال
يصحى من الفجرية يصلى
وبعد شوية يروح ع الشغل
يجرى على الأتوبيس فى الزحمة
علشان يلحق شغله أوام
كل زمايله هناك بتحبه
حتى العامل والبواب
رشحناه لرئاسة الهيئة
علشان واحد منا ياهو
حاسس بينا وبمشاكلنا
ولمطالبنا راح يعملها
ولمطالبنا راح يعملها
طبعا عارفين مين حينافسه
ولافيش غيره سيدنا التيت
راجل حشرى كتير متطفل
فاكر إن مكانه حيدوم
والمحاليس حواليه وهمانة
علشان قرشين من معاليه
علشان قرشين من معاليه
باعوا ضميرهم علشان سيدنا
يرضى عليهم ويكونوا جمبه
بس خلاص فات عمره بسرعة
والسوس نخور عرشه خلاص
قاموا أبالسة من حواليه
يقنعوا سيدنا بالتوريث
عقل الفكرة وأصدر أمره
علشان يبدأوا فى التنفيذ
سمعوا الزملا بالموضوع
قالوا إشاعة أكيد حتروح
لكن سيدنا كان متحمس
لأجل جماله يحل علينا
شئنا أو حتى مارضينا
هيا مصالحه خزوق فى عنينا
قاموا جماعة من حبايبنا
ايدهم واحدة فى ايد عب واحد
كان نيتهم يرضوا خالقهم
وينفذوا رغبة زمايلهم
ودق الوقت وبدأ الجد
وكانت ثورة حقيقى بجد
وكل الزملا رفعوا الراية
وقالوا ياسيدنا خلا ملينا
ده ظلمك دا .. دا فاق الحد
وفاتت جولة وعدت تانية
وجات التالتة وأزف الوقت ... وبدأ الفرز
وكانت اللجنة تخاف المولى
زى البطلة بنت الزينى
يقولوا الحق .. مايخشم حد
وخلص الفرز وظهر البدر
بفوز عب واحد عبد الحق
وكل الناس كانت فرحانة
بفوز الحق ... ودقوا الطبل
وفاز سيدنا لكن بالتيت
دا راجل تيت .. جزاءه التيت
ويالا يا زملا .. مين حيقولى
دا مين سيدنا ؟؟ ومين التيت ؟؟
ومين كان شارك بأكبر تيت ؟؟
15/10/2009
تامر الشاعر
فضلا عند نقلك تلك القصيدة اذكر المصدر ورابطه للأمانة
المصدر:حمل براحتك
www.7amlbra7tk.blogspot.com
للإعلان لدينا مجانا أرسل إعلانك إلى هذا الايميل وسوف نقوم بنشره فور مراجعة الإدارة له
فى قسم عصر أبو بلاش
e3lanfree@yahoo.com
تنبيه : لو عجبك أى موضوع ولقيت إنه مفيد لأصحابك اعمل شير على الفيس بوك أو تويتر واعلم بأن كاتم العلم يلعنه الله ويلعنه اللاعنون
