قصيدة شهداء 25 (تخليدا لذكرى شهداء الثورة) - تأليف تامر الشاعر at الثلاثاء, مارس 15, 2011 Posted by تامر الشاعر

كان يا مكان

كان فى حاكم زمان

ظالم وملهش أمان

شهدت كل الأديان

إنه فاسق وجبان

بيقولوا اسمه مبارك

حكم الـــ 80 مليون

بالقهر وبالإذلال

كان عِنَدى وكان متجبر

كان ظالم مش إنسان

ححكيلكوا حكاية شعب

كان صابر مش غلبان

وشبابه كتير متحضر

وبناته الأصلا كمان

ع الفيس قالوا كلمتهم

حنشيلك بالتأكيد

وفى يوم 25

http://7amlbra7tk.blogspot.com//
فى ميدان اسمه التحرير

هتفوا وبعزم شديد

ارحل ارحل يا خسيس

ملينا خلاص م الظلم

محناش خايفين من أمنك

قررنا نكون أحرار

بلطج وبكل عصابتك

برصاصك أو بقنابلك

مولوتوفك أو خراطيشك

شهداء رايحين رايحين

ع الجنة متفقين

ايدى فى ايدك يا شهيد

هنزفك فى التحرير

 والحور ع الباب بتنادى

بتقول ان دا يوم عيد

 بجناحك يلا وطير 

ع الجنة اوام ياعريس

وامانة عليك يا شهيد

تدعيلنا نكون وياك

وفى عيد الثورة تنادى

على كل الشهدا هناك

تحتفلوا بالتحرير

فى ميدان تحرير الجنة

فى السما والارض دا عيد

عيدك عيدنا ياشهيد

وسلامى لكل الشهدا

 شهداء 25
 
تحرير تحرير تحرير

17/3/2011 الخميس

فى مدينة برانى

تأليف تامر الشاعر

 راسلنى على الفيس بوك

تنبيه : لو عجبك أى موضوع ولقيت إنه مفيد لأصحابك اعمل شير على الفيس بوك أو تويتر واعلم بأن كاتم العلم يلعنه الله ويلعنه اللاعنون

حمل براحتك