افرحى يامو الشهيد - تأليف تامر الشاعر حصريا على حمل براحتك

 
افرحى يامو الشهيد
النهاردة أصلوا عيد
حور تنادى من بعيد
ع الشهيد يامو الشهيد
اوعى ياما يشوفوا دمعك
أو فى لحظة يحسوا حزنك
أو يعيش الحزن قلبك
نفسى ياما أكون فى حضنك
الأمان كان كله جمبك
عيشى ياما وافرحى من كل قلبك
افرحى يامو الشهيد
النهاردة أصلو عيد
افرحى يامو البطل
وارفعى فوووووق العلم
قولى ربيت ابنى نسر
فوق سماكى يا أرض مصر
افخرى ياما بضناكى
ورفرفى ويا العلم
قولى لابنى إنى حى
فى الجنان عايش وحر
علميه ياما البطولة
والشجاعة فى وش ظالم
قلبه يبقى فى قلب ايده
إن فى يوم كان ييجى حاكم
حكمه ظالم طاغى فاجر
علميه حب الوطن
حب مصر فى كل وقت
فهميه معنى الرجولة
والثبات وقت الخطر
فى الميدان لما ينادوا
ع الجهاد وقت النزال
يبقى فارس كفنه شايل
لأجل مصر أمى مصر
افرحى يامو الشهيد
النهاردة أصلوا عيد
يامو خالد وأم مينا
يامو سالى ويامو دينا
يامو كل شهيد فى مصر
افرحى ابنك بطل
دمه كان زى المطر
روى بيها ورد مصر
اللى فتح فى الجناين
بالعبير الحر فاحت
ريحته غطت أرض مصر
وأما شمس الحق لاحت
بددت كل الظلام
اللى عاشت فيه قلوبنا
طول حياتنا فى أحلى مصر
افرحى يامو الشهيد
النهاردة أصلوا عيد
16/3/2011 الأربعاء

كنت فى طريقى إلى السلوم

تنبيه : لو عجبك أى موضوع ولقيت إنه مفيد لأصحابك اعمل شير على الفيس بوك أو تويتر واعلم بأن كاتم العلم يلعنه الله ويلعنه اللاعنون
حمل براحتك